На русском языке | YENİ quran.az

99. əz-Zəlzələ

"Zəlzələ" surəsi, 8 ayə,
Məkkədə nazil olub.

1
Yer özünə məxsus bir şiddətlə lərzəyə gəlib titrəyəcəyi zaman;
2
Yer öz yükünü çıxardıb atacağı zaman;
3
İnsan (təəccüblə): “Buna (bu yerə) nə olub?” – deyəcəyi zaman -
4
Məhz o gün (yer) öz hekayətini söyləyəcəkdir -
5
Çünki (bunu) ona sənin Rəbbin vəhy etmişdir (buyurmuşdur)!
6
O gün insanlar əməllərinin özlərinə göstərilməsi üçün (qəbirlərindən məhşərə) dəstə-dəstə çıxacaqlar! (Cənnətliklər sağ tərəfə, cəhənnəmliklər isə sol tərəfdə olacaqlar).
7
Kim (dünyada) zərrə qədər yaxşı iş görmüşdürsə, onu (onun xeyrini) görəcəkdir (mükafatını alacaqdır).
8
Kim də zərrə qədər pis iş görmüşdürsə, onu (onun zərərini) görəcəkdir (cəzasını çəkəcəkdir).

Quranın bütün surələrini göstər/gizlət